1. Yesu, ha’õkhõ u’andrõ, wangefa horõgu.
Me lõ usõndra ba mbõ’õ, zamolala tõdõgu.
Si lõ fulitõ tehuku, na lõ õhakhõsi tõdõ-U.
He Yesu orifido.
2. No tenga sa sinangea, ndra’odo fõnau Yesu.
No usawõ, no ulawa goroisa ma’afefu.
Ba gamuatagu andrõ, no’u’o’aya gõi Dõi-Mõ.
He Yesu orifido.
3. No abu sibai dõdõgu, andrõ mangaluludo.
Lõ baero ndra’ugõ Yesu, zabõlõ ba sanolo.
Andrõ mangesa dõdõgu, ba horõ fefu nilaugu.
He Yesu orifido.
4. He Yesu da u’andrõ khõm-U, be’e aefa horõgu.
Usao’õ fefu fõnamõ, khõu ululu dõdõgu.
Duhu do-Mõ wangefa’õ, horõ nõsi gulidanõ.
He Yesu orifido.
5. Andrõ u’o’õ Ndra’ugõ, me faduhu dõdõgu.
Wa lõ sa baero Ndra’ugõ, zangefa’õ horõgu.
He Yesu hakhõsi-tõdõu, temado ba wa’omasiu.
He Yesu orifido.