1. He tõdõgu ae khõ Yesu, bawanema aurifa.
No umbu wangorifi khõgu, wamakao Yesu So’aya.
Si no mate salahigu, ba huku sigõna khõgu.
Omuso sibai dõdõgu, me so zangefa horõgu.
2. No urongo ba li-Nia, wa ya’o nikaoni nia.
Na mangandrõdo khõ-Nia, ba sindruhu wa so ia.
Roti ba no boto nia, agu salahi ndro-Nia.
Omasido gõi utema, me no fangorifi ia.
3. Uhonogõ sa dõdõgu, ba wemanga boto Yesu.
Me da’õ khõ-Nia dandra, wefaogu ba wanguhuku.
Do-Nia wangõhõligu, sangehaogõ fa’aurigu.
Aefa ndra’odo nihuku, me ya’ia zalahigu.
4. Auli no abu dõdõgu, me no ambõ folo’õgu.
Lõ fa’ohahu dõdõgu, me lõ khõgu haga Yesu.
Da ufulido khõ-Nia, me sahakhõ tõdõ ia.
Lõ itimba sa ndra’odo, na sindruhu ufulido.
5. Lõ sa fondrara dõdõgu, si’oroi gera’eragu.
Me ya’o si no elungu, si’oroi ba wa’atumbu.
Salõfõgu me so Yesu, samolala gõi tõdõgu.
Si lõ guna wa’aurigu na lõ fa’omasi Yesu.
6. Mõi fangohahau-dõdõgu, wa’omasi Yesu khõgu.
Boto nia ibe khõgu, do nia gõi nibadugu.
Utema’õ wa’aurigu, bõi ya aefa ba dõdõgu.
Da ufatou-tou tõdõgu, wangorifi nitemagu.