1. He tõdõgu anunõ, suno Lowalangi Ama
Bõi olifu nda’ugõ, mbuala ni be’e Nia
Meno aefa nda’ugõ sawuyu horõmõ
Ba no gõi ikaoni’õ faebua dõdõ
Si fao fondara dõdõ ba fangorifi gõi
Fefu dana khõ Nia, lõ Irõi Ibõhõi
2. No Ifa’ema khõda, daromali fangorifi
Simõi fangefa horõ, bõrõ Yesu sangõhõli
Sebua tõdõ Ia, ba solakhõmi gõi
Ibe wa’anau gõlõ, ena’õ lõ farõi
Ba fefu golalõwa, no ’oi te’asiwai
Bõrõ Keriso Yesu same’e fa’auri
3. No amaedola Nama sondorogõ ono nia
Tõra wolau Zo’aya, ba zinumana tõdõsa
He wa’ae side-ide, ba si lõ moguna
No amaedola mbunga, sagalio taya
Manõ w’auri niha, lõ mo’ahonoa
Lõ sa farõi Zo’aya ba dana khõ-Nia
4. Fao khõda Lowalangi, irugi ba zi lõ aetu
Me duhu lõ tewu’a, fefu zi no Ifabu’u
Ya’ia sa Yehowa fondrege Zalawa
Fefu niwõwõi Nia, sanuno Ya’ia
Fao awõ mala’ika, oi enoni Nia
He tõdõ, da tasuno, Lowalangi ama