1. He tõdõgu angalulu, fõna gahe rõfa Yesu.
Utou’õ golalõwagu, horõ simõi famunugu.
Da u’andrõ khõ-U Yesu, bõi faigido ba wõnu.
Ba be’e aefa horõgu, afu ohahau dõdõgu.
2. No abu sibai dõdõgu, lua lua wa’aurigu.
Na lõ mangurakhado, ba manga boto Yesu.
Lõ falukhado wangefa, ha sambalolõ fanguhuku.
Lõ zi lõ utema wõnu, fa’amate si lõ aetu.
3. Yesu zi no mangoroi’õ, femanga ni’amoni’õ.
Na fao ita ba wanema, ba da’õ tafaduhu’õ.
Wa ta’ogorofi horõ, fa tatema wangatulõ.
Ba fangorifida Yesu, si lõ aetulõ mamalõ.
4. Ba somuso-tõdõ ita, na khõ Yesu wa’aurida.
Lõ gõi mangiwa dõdõda, ba wogamõ si so ama.
Me Yesu zifao awõda, ba sanimba fangala.
Ba samakhamõ’õ khõda, sawatõ so’ahonoa.
5. Yesu zi no manehegõ, boto nia salahida.
Ikaoni, i’atulõ’õ, fefu niha si no taya.
Lõ manõ fa’aekhu gõlõ, na tatara lahe nia.
Na so wa’anau-gõlõda, wamalua fasõndrata.
6. Õ andre si no tatema, tobali fangabõlõda.
Ba wolawa fanandraigõ, sangu’uni fa’aurida.
Ha Yesu lemba-lembada, bõi tebulõ wamatida.
Fa tarugi ba takhamõ, naha nifabu’u nama.