1. Haogõ ndra’ugõ tõdõgu, ya õrõi zi lõ atulõ.
Haga Yesu otahõgõ, lala-Nia ya õtõrõ.
No Ikaonido So’aya, mõi manema fangatulõ.
Oi so wa’ebua dõdõ, khõgu no Ifa’ele’õ.
2. No sa’ae so Ia khõda, ba wamohouni tõdõda.
Tatunõ fefu horõda, fao ngawalõ golalõwa.
Ihaogõ ita do-Nia, tatema Geheha Nia.
Mõi fangofifi nosoda, ba fangohahau dõdõda.
3. Tenga ana’a ba firõ, nibe nama salahida.
He okhõta tõi sebua, tebai mõi fangõhõlida.
Ono ni’omasi’õ, itehe mate ba rõfa.
Da’õ zi mõi fangatulõ, famabõbõda khõ-Nia.
4. He Yesu roti aurifa, sitobali õ dõdõma.
Si no mogaoni ya’aga, ba wamadu, ba wemanga.
Bõi ya taya ba dõdõma, wa’omasi nitemama.
Bali’õ fangabõlõma, ba wogamõ sawatõma.