1. Fondrondrongo li Zo’aya, ikaoni ita.
Fa’ahakhõ dõdõ Nia, mõi Ia khõda.
Ba wolohe ya’ita mangawuli khõ nama.
Ya so wehulu dõdõda, ta’o’õ Ia.
2. Fondrondrongo li Zo’aya ikaoni ita.
Fefu gomusola dõdõ, Ibe’e khõda.
Ba fefu golalõwa, oi i’atulõ’õ sa.
Na solo’õ Yesu ita lõ sa te’ala.
3. Fondondongo li Zo’aya, sihede khõda.
Dozi si lõ mamonaha, aekhu te’ala.
Lõ a’ozu latema, mbuala soroi nama.
Fa’auri so’ahonoa gõtõ wa’ara.
4. Fondrondrongo li Zo’aya, fangorifida.
Ya so wa’anau gõlõda, ba wasõndata.
No fahõna wangala, sanaisi era-era.
Da tatõngõni Zo’aya, me kubaloda.
5. Fondrondrongo li Zo’aya fangbõlõda.
Afu oi oroma khõda zindruhu lala.
Fefu niwa’õ Nia, ta’o’õ bõi tatimba.
Me no li so’oroi nama, sifao eheha.
6. Fondondongo li Zo’aya, no femaõnada.
He afõkhõ wolo’õda, bõi farõi ita.
Me lõ aekhu gõlõda, na sanau õlõ ita.
Me no Ifabu’u khõda, Ibe wemõna.