1. He Yesu tolo ndra’aga, no ambõ fa’abõlõma, wolo’õ somasi’õ.
Andrõ fatenge khõma, zanolo niwa’õ-U fõna, same’e fa’abõlõ.
Be’e khõma Geheha ni’amoni’õ soroi nama, me nihõlimõ ndra’aga.
2. Be badõdõma hagamõ, Eheha ni’amoni’õ, fa ma’ila de’ala.
Me no oi mamini horõ, ba gera-erama andrõ, si mõi dela wangala.
Aine tolo he So’aya, abõlõ’õ gõi ndra’aga, afu so khõma wemõna.
3. Na so khõma Geheha-Mõ, samaeri ba samaha’õ, sihede-hede khõma.
Sanolo wolawa horõ same fa’ohahau dõdõ, sondrou’õ famatima.
Aine tolo he So’aya, he So’aya, dozigõ fahowu’õga, fabõi ifuli farõiga.
4. Hagaini taromali-Mõ, dõdõma bongi ma’õkhõ, fa’abõlõ Geheha.
Me oya gabula dõdõ, samasao fangarõ-ngarõ, si mõi rõrõ dõdõma.
Aine tolo he So’aya, dozigõ fo’urakhaga, fa’auri so’ahonoa.