1. He Yesu si no maoso, ni susugi nama
Moroi bangai zimate, sa’ozu femena
Fefu no’õ’alani zata’u dõdõma
Horõ ba fa’amate moroi ba mbõrõta
2. Me mõi’õ ba zorugo, salawa wa’auri
Mõi mamõfõgõ naha, zaro ba wamati
He bongi he ma’õkhõ, õfahowu’õga
Duhu zi no õwa’õ, lõ farõi’õ khõma
3. Ma’andrõ khõ-U So’aya, fazawa dangamõ
Afu mo’urakhaga, ba howu-howu-Mõ
Be’e khõma Geheha, simõi fangabõlõ
Ba wanga’i halõwõ, si no õ’oroi’õ
4. No õkaoniga Yesu, dozi tana khõmõ
Wama’ema buala, ba zerege tõdõ
Faulugõ wangehaogõ, ya’aga ba ndro-Mõ
Ena’õ lõ tebulõ, wa’omuso dõdõ