1
Tasuno Yesu si no maoso, same’e khõda femõna.
Kurunga horõ no terasa, fa’amate no te’ala.
Ba fa’abõlõ gafõkha, no oi ilawa So’aya.
2
Tasuno Yesu si no maoso, si mõna ba sebua tõi.
No ya’ia gumbu wa’auri, Ibe’e fa’aurida gõi.
Da’õ gurakaha zamati, sanau õlõ si lõ farõi.
3
Tasuno Yesu si no maoso, manusugi ya’ita gõi.
He mate tarõi gulidanõ, ba Yesu zanusugi zui.
Torõi nahia wa’obou, mõi ba wa’auri sibohou.
4
Tasuno Yesu sondrogõ, sangohahau’õ tõdõda.
Me Ya’ia zanga’aro’õ famati ba fanõtõna.
Ya bõi mangiwa dõdõda, irugi ba gamozua.
5
Tasuno Yesu sama’ema, ondrõita so’ahonoa.
Si lõ irai mi’la ba niha, ni’asiwai Yesu khõda.
Da taforege wangalui, afu manema ita gõi.
6
Tasuno Yesu si no maoso, sebua ba solakhõmi.
Ya’ia wondrege zalawa, ba kubalo si lõ farõi.
Ha Ya’ia tatõngõni, ba zi sandrohu fekoli
