1. No auri Yesu ba no mõna, fa’abu-dõdõ no awai.
Tasuno Ia samatõrõ, ba sangorifi fefu soi.
Mo’arota wangõhõli, ba zi sandrohu fekoli.
2. No maoso Yesu ba no mõna, lagõ lewatõ tebokai.
Te’ala wa’abõlõ horõ, Ifa’aso wamohouni.
Si no gõna fangelifi, oi Ikaoni ba wa’auri.
3. No maoso Yesu ba no mõna, afõnu so wangorifi.
Oi Itolo, Irara dõdõ, zangondrasi, sangolembai.
Ifosinema fa’auri, na lõ farõi ba wamati.
4. No maoso Yesu ba no mõna, sangatulõ’õ fefu soi.
Dozi te’osi dawa hõrõ, fa’abu dõdõ no awai.
Bõi tebulõ ba wamati, fa’omasi tatõngõni.
5. Yesu a’aro’õ dõdõma, fabõi awuwu wamati.
Na so zamangiwa tõdõma, ae tologa sangorifi.
Afu a’ozu marugi, wefao awõu ba lakhõmi.