1. Yesu nono mbiri-biri, soroi Lowalangida
Horõda fefu ilu’i wangorifi ya’ita
No ilulu mboto nia, wa nalahini ya’ita, wama’aso fangefa.
No itaha wango’aya, irugi mate ba rõfa, oi saohagõlõ nia
2. Yesu ono Lowalangi, si no fa’awõ khõgu
Ha ya’ia zangorifi, sangatulõ tõdõgu
Me no ama zanguma’õ, ae orifi zi so horõ, sanawõ oroisagu
Me no ebua wõnugu, ae’e hõli mabanua-gu, do mõ nihonogõi-gu
3. U’o’õ niwa’õu ama, no saoha gõlõ-gu
Ufalua zomasi’õ, utehe na labunu
He wa’ae no fa’afõkhõ, si lõ famaedo ba danõ, tola manõ utaõgõ
Me halõwõ fangatulõ, da’õ zi no õhonogõi, fa’auri mbanua-Mõ
4. Fefu nitaõgõ-Mõ Yesu, utanõ ba dõdõgu
Wa no mõi’õ salahigu, wangefa’õ horõgu
U’omasi’õ ndra’ugõ, umbu wa’ebua dõdõ, li-Mõ uturiaigõ
Ya khõ-U ndra’o lõ mamalõ, be’e khõgu wa’abõlõ,ba fa’omuso dõdõ
5. He Yesu, ha ube sulõ, fefu wa’omasi-Mõ
Botogu fao fa’abõlõ, ube’e sumange-Mõ
He Yesu tema gõi ndra’o,na no irugi inõtõ, wondrõigu ulidanõ
Utou’õdo ba danga-Mõ, be khõgu wangefa horõ, ohedo ba zi so’õ